Давид де Хеа ўрнига икки номзод

Давид де Хеа ёзда клубни тарк этиши эҳтимоли муносабати билан тайёргарликни бошлаб юборган, деб хабар беради Daily Express.

Манба маълумотига кўра, «қизил иблислар»да испаниялик посбоннинг ўрнига икки нафар номзод бор. Булар – «Эвертон» аъзоси Жордан Пикфорд ва «Атлетико» вакили Ян Облак.

Маълумот учун, де Хеанинг шартнома муддати ёзда ниҳоясига етади, битимда муддат яна бир йилга узайтирилиши мумкинлиги қайд этилган. 2011 йилдан буён «МЮ» дарвозасини қўриқлаб келаётган Давид бу мавсум жамоанинг 39та ўйинида қатнашиб, 48та гол ўтказиб юборди.

Қайд этиш керак, Пикфорднинг трансфер қиймати 40 млн евро, Облакники эса бундан икки баробар юқори баҳоланади.